鍾漢良獲粉絲捧場 2014-08-06      

鍾漢良獲粉絲捧場

鍾漢良﹑薛凱琪(Fiona)及導演黃真真,噚晚出席新戲《閨蜜》首映,並宣佈電影喺大陸四日票房,已經收逾1億1千5百萬人民幣,難怪佢哋開心到不得了﹗

眾人上臺時,獲贈唇膏雕刻,現場又舉行祝酒儀式,現場所見,鍾漢良有好多粉絲捧場,佢話:「上次返港差不多成年前,因為難得在港,所以咁多Fans支持,每一年都有一個大型少少聚會。」

咁會唔會將事業基地擺返喺香港?佢就話:「呢啲嘢隨緣,隨緣咁多年都喺內地,真係有啲難,其實兩年前簽約杜琪峯後,有少少部署,可能杜Sir慢工出細貨,就慢慢嚟,希望都會平衡返。」

講到喺戲中角色飾演負心男,佢會飛起陳意涵,不過鍾漢良唔覺得戲中角色抵死,又話感情唔係簡單嘅對或錯,當中有好多複雜因素,佢呢個角色係被陳意涵綁得太緊,咁現實中怕唔怕被綁死?鍾漢良坦言:「冇人會鍾意畀人綁死,尤其係人生咁短,唔應該浪費,自己都唔想只係得愛情。」

 

新聞連接: http://hk.apple.nextmedia.com/enews/realtime/20140806/52766744

 

鍾漢良滿肚密圈 計畫回歸香港

藝人鍾漢良西裝骨骨亮相九龍灣,出席有份主演的電影《閨密》首映禮。獲近百位粉絲到場支持的他對此直呼感動:「好耐冇返香港(多粉絲撐場?)難得同感動!」問他會否考慮以香港為工作重心?他說:「隨緣,已有好多計劃。兩年前我簽咗新開發部門,都想平衡返香港嘅工作,唔想一面倒。今次算係掹車邊拍電影,幕後係香港班底,算是起步。」

談到他於戲中飾演「劈腿男」,鍾漢良即為角色大平反:「角色好似好負面,但人無完美,好真實。(有共嗚?)係,做人冇話啱同錯。我嘅角色會認為人生唔應該只係得愛情,女仔就經常好多計劃想縛死對方。」他自爆唔鍾意畀女仔縛住晒:「冇人會鐘意畀人縛死,否則會浪費咗苦短人生,我唔想成世人得愛情,淨係諗結婚同傳宗接代。」

新聞連接: http://hk.on.cc/hk/bkn/cnt/entertainment/20140806/bkn-20140806031617722-0806_00862_001.html